З 27 лютага па 24 сакавіка 2023 года ў Рэспубліцы Беларусь праходзіць рэспубліканская акцыя «Дзень бяспекі. Увага ўсім!», якая прымеркавана да Сусветнага дня грамадзянскай абароны.
Сусветны дзень грамадзянскай абароны (World Civil Defense Day) адзначаецца штогод 1 сакавіка. Ён быў заснаваны па рашэнні Генеральнай асамблеі Міжнароднай арганізацыі грамадзянскай абароны (International Civil Defence Organisation, ICDO) у 1990 годзе ў мэтах прыцягнення грамадскай увагі да важных задач, якія выконваюцца нацыянальнымі службамі грамадзянскай абароны, грамадзянскай аховы, і процідзеяння надзвычайным сітуацыям. Нярэдка назва гэтага свята перакладаецца па-іншаму: Сусветны дзень грамадзянскай аховы.
Датай свята абраны дзень уступлення ў сілу (1 сакавіка 1972 года) статута Міжнароднай арганізацыі грамадзянскай абароны (МАГА), прыняцце якога надало МАГА статус міжурадавай арганізацыі.
Сёння ў Рэспубліцы Беларусь пытаннямі грамадзянскай абароны займаецца Міністэрства па надзвычайных сітуацыях.
У рамках падрыхтоўкі насельніцтва краіны да дзеянняў ва ўмовах надзвычайных сітуацый і ваенных канфліктаў штогод праводзіцца больш за паўтары тысячы мерапрыемстваў, уключаючы вучэнні, трэніроўкі, зборы, семінары, спаборніцтвы. Безумоўна, набытыя пры гэтым веды, уменні і навыкі запатрабаваны ў паўсядзённым жыцці для аказання дапамогі людзям, якія трапілі ў бяду.
Вось і мерапрыемствы акцыі МНС «Дзень бяспекі. Увага ўсім!» будуць накіраваны на навучанне насельніцтва дзеянням пры сігнале «Увага ўсім!», а таксама правілам бяспекі жыццядзейнасці.
Акцыя пройдзе ў 2 этапы: на першым, з 27 лютага па 10 сакавіка 2023 года, увага работнікаў МНС будзе ўдзелена ўстановам адукацыі. Ратавальнікі будуць праводзіць навучальныя мерапрыемствы з дзецьмі, бацькамі і педагогамі.
Другі этап, з 14 па 18 сакавіка 2023 года, будзе накіраваны на жыхароў інтэрнатаў, працоўныя калектывы, а таксама наведвальнікаў месцаў масавага знаходжання людзей.
У рамках акцыі ў эфіры радыёстанцый пройдуць віктарыны, на тэлебачанні, у сацыяльных сетках і месэнджарах будуць трансліравацца тэматычныя відэаролікі МНС.
Работнікі МНС падрыхтавалі для ўдзельнікаў мноства разнастайных, цікавых і карысных мерапрыемстваў, прыняўшы ўдзел у якіх можна будзе набыць каштоўныя веды па бяспецы жыццядзейнасці, а таксама зарадзіцца добрым настроем.
Удзельнічайце ў мерапрыемствах ад ратавальнікаў! Бо захаванне асноўных правіл пажарнай бяспекі – залог вашага дабрабыту.